तिमी भित्रको कथा(Nepali original)

तिमीलाई हेरिरहँदा लाग्छ ,

तिम्रो आँखाले कुनै कथा सुनाइरहेको छ।

र तिम्रो ओठ… अर्कै कथा बोल्दैछ।

किन यस्तो दोधार?

किन आँखाले सुस्तरी भनिरहँदा,

तिम्रो ओठ चुपचाप छन्?

शब्दहरू बाहिर आउन चाहन्छन् ,

तर उनीहरू,

तिमी भित्र कतै अड्किएर बसीरहेको जस्तो लाग्छ।

ओठ मौन छन्,

तर आँखाले त सबै कुरा लुकाउन सक्दैनन् ।

त्यो पीडा, त्यो सम्झना, त्यो अदृश्य स्वप्न…

सबै त झल्किन्छन्,

तिम्रो नजरको एउटा हल्का कम्पनमा।

तिमी भित्रको कथा ,

शायद धेरैको जस्तै होला,

तर सुनाउने शैली,

तिमी जस्तै एक्लो, गहिरो, अनि मौन। 😊

If this poem resonates with you please 

stay. There are many more quiet stories yet to be shared.

feel free to reply with your thoughts.

With care,

— Srizanaa 🇳🇵🍃